Cuxpedia sucht Bilder aus Ihrem Fotoalbum. Sie können uns helfen. Mehr...

Priel

Aus cuxpedia
Wechseln zu: Navigation, Suche

Een Priel is een Waterloop dör dat Watt. De Strömung kümmt vun de Tide. Bi oploopend Water löppt dat Water in den Priel rin, bi afloopend Water löppt dat wedder rut. De Strömung kann bannig gau sien, mehr as 10 km/h.

Faaken löppt de Prielen in Mäander. Denn gifft dat een Prallhang, de steep is un tomeist ut faster Sediment is un een flacken Gliedhang, woneem de Strömung sachter geiht un faaken Slick is. De Loop vun een Priel kann sick vun een Johr to dat anner bannig ännern, besünners bi Stormflood.

För Wattenlooper sünd de Prielen dorüm nich ahn Gefahr. De meesten Lü, de in dat Watt versupen, harrn sick vun Prielen afsneeden laaten oder sünd dor versackt. Dorüm warden Johr för Johr menniche Wechs int Watt ni mit Pricken verklort.

Dat gifft ook Prielen, de as Fohrwater un as Waterstraat bruukt warn. So dat Weser - Elv - Wattfohrwater, wat mank den Wurster Arm und Buchloch dör dat Cuxhobener Watt dwas geit.